อพฺภุคฺคโต กาลกโต กถํ โส ปญฺญายตีติ ฯ เลเขน ภนฺเตติ ฯ เอวเมว โข มหาราช
โย ธมฺมํ ปสฺสติ โส ภควนิตํ ปสฺสติ ธมฺโม หิ มหาราช ภควา เทสิโตติ ฯ กลฺโลสิ
ภนฺเต นาคเสนาติ ฯ

พุทฺธานุตฺตรภาวชานนปญฺโห ตติโย ฯ

ราชา อาห ภนฺเต นาคเสน ธมฺโม ตยา ทิฏฺโฐติ ฯ เถโร อาห พุทฺธเนติโย
มหาราช ธมฺโม พุทฺเธน ปญฺญตฺติโย ยาวชีวํ สาวเกหิ ปฏิวตฺติตพฺโพติ ฯ กลฺโลสิ ภนฺเต
นาคเสนาติ ฯ

ธมฺมทิฏฺฐปญฺโห จตุตฺโถ ฯ

ราชา อาห ภนฺเต นาคเสน น จ สงฺกมติ ปฏิสนฺธิยติ จาติ ฯ เถโร
อาห อาม มหาราช น จ องฺกมติ ปฏิสนฺธยติ จาติ ฯ กถํ ภนฺเต นาคเสน น
จ สงฺกมติ ปฏิสนฺธิยติ จ อุปมํ กโรหีติ ฯ ยถา มหาราช โกจิเทว ปุริโส ปทีปโต
ปทีปํ ปทีเปยฺย กินฺนุ โข โส มหาราช ปทีโป ปทีปมฺหา สํกมตีติ ฯ น หิ
ภนฺเตติ ฯ เอวเมว โข มหาราช น จ สํกมติ ปฏิสนฺธยติ จาติ ฯ ภิยฺโย อุปมํ
กโรหีติ ฯ อภิชานาสิ ตฺวํ มหาราช ทหรกทสวสฺสกาเล อาจริยสฺส สนฺติเก สิโลกํ
คหิตนฺติ ฯ อาม ภนฺเตติ ฯ กินฺนุ โข มหาราช โส สิโลโก อาจริยมฺหา
สงฺกมติ ฯ น หิ ภนฺเตติ ฯ เอวเมว โข มหาราช น จ สํกมติ ปฏิสนฺธิยติ
จาติ ฯ กลฺโลสิ ภนฺเต นาคเสนาติ ฯ

น จ สงฺกมติ ปฏิสนฺธิหนปญฺโห ปญฺจโม ฯ

ราชา อาห ภนฺเต นาคเสน เวทคู อุปลพฺภตีติ ฯ เถโร อาห ปรมตฺเถน
โข มหาราช เวทคู น อุปลพฺภตีติ ฯ อลฺโลสิ ภนฺเต นาคเสนาติ ฯ

เวทคูปญฺโห ฉฏฺโฐ ฯ

ราชา อาห ภนฺเต นาคเสน อตฺถิ โกจิ สภาโว อิมมฺหา กายา อญฺญํ
กายํ สํกมตีติ ฯ เถโร อาห น หิ มหาราชาติ ฯ ยทิ ภนฺเต นตฺถิ อิมมฺหา
กายา อญฺญํ กายํ สงฺกมติ นนุ มุตฺโต ภวิสฺสติ ปาเปหิ กมฺเมหีติ ฯ อาม มหาราช
มุตฺโต ปาเปหิ กมฺเมหิ ยทิ น ปฏิสนฺธิเยยฺย ยสฺมา จ โข มหาราช ปฏิสนฺธิยติ